اسمى نجلاء صبحى اسكندرانية جاءت للقاهرة من شوية سنوات علاقتى بوسط البلد … القعدة الحلوة من المغرب مع اصحابى المصورين …. بعد لفة صغيرة نصور الطراز المعمارى لعمارات وسط البلد … و نهرب من الأمن اللى بيمنع التصوير اقعد مع اصحابى المصورين على قهوة فى ميدان طلعت حرب نحكى مغامرات التصوير …و نتفرج على صور اليوم . أوقات تجمعنا حديقة جروبى اللى قرب ميدان العتبة … نفطر و نحتفل بأعياد الميلاد لأصحابنا و احلى قهوة … وسط البلد مكان مهم و حيوي وله قيمة كبيرة للمصورين …

اكتر الاماكن تراها تهانى مهمة ثقافيا و تاريخيا في وسط البلد مكتبة انسان ب شارع عبد الخالق ثروت و الجامعة الامريكية . اكثر الاماكن لها بها ذكريات شخصية : المتحف المصرى وشارع ٢٦ يوليو و ترى ان أشهر أسماء مشهورة مرتبط اسمها بوسط البلد : طلعت حرب و عمر مكرم . و تقول تهانى أن مكتبة انسان يحدث بها الكثير من الفعاليات الثقافية . كما أسمعت حكايات شعبية مرتبطة بأماكن فى وسط البلد من محمد كامل . و ترى ان منطقة ماسبيرو و المتحف المصرى و الفنادق تميز وسط البلد عن غيرها…

العمارة تقاطع شارع قصر النيل مع شارع إبراهيم القباني- الدور الرابع. مكتب أبويا – مكتب معماري شقة أو أوضة كبيرة في شقة و من علو السقف أبويا كان قاسم ارتفاع الشقة إلى مستويين..المكتب - وبسلم خشب نطلع إلى الميزانين- مخزن الأدوات الهندسية والفنية. و كان حاطط على مكتبه تمثال حجر- المفكر- لصديق عمره النحات العالمي عبد الهادي الوشاحي..البلكونه الصغيرة كانت بتبص على الناصية و تكشف مساحة كبيرة من المنطقة.. تحت العمارة كان بوتيك سلوى..لصاحبته طنط سلوى و جوزها اللي ما كانوش بيخلفوا.وكانت طنط سلوى قصيرة و مدملكه – نعدي شارع إبراهيم القباني الصبح ندخل لاباس و اشرب حاجه و اكل كرواسون أو باتيه مع بابا و نقابل كثير من الفنانين والمفكرين اونعدي شارع قصر النيل مع ماما ونروح محل جاد الله للأحذية الفاخرة اللي بتتفصل عالإيد. و جنبه محل كوافير غريب الاخ الأكبر لمسيو علي و انكل حسين اللي فتحوا محل كوافير في الكربه. محلات وسط البلد اللي اتعودت عليها في السبعينات كانت محل الغليون بالقرب(اخر طلعت حرب ) من ميدان مصطفى كامل واللي كنا بنشتري منه الهدوم و الشنط و محل مكتبة الكتاب الفرنسي قبل تقاطع شارع طلعت حرب مع شارع شريف..) ولا أنسى سندويتش الروست بيف يتاع مطعم الاكسليسيور لما ندخل سينما مترو و نفسي أفتكر الترزي كان فين يا ماما "الله يرحمك " و ادوات المدرسة كنا بنجيبها من مؤسسة الفنون أو بداية سمير وعلي شارع شريف و هروب المشهد الثاني..... الثمانينات لم يعد لبابا مكتب في قصر النيل ولكننا مازلنا نيجي لشراء الهدوم من محل بلاي بوي شارع شريف-و كل أدوات العمارة و الفنون برضه من سمير وعلي أو مدرسة الفنون. المشهد الثالث رايحه جايه ما بين كلية الفنون الجميلة في الزمالك و ما بين الجامعة الأمريكية لمرافقه من أحب...من بداية سنة ١٩٩٩- لحد ما اتخرجت سنة ١٩٩٤...ما بين شارع محمد محمود في المكتبة-و شارع الشيخ ريحان علشان قاعه ايورت و مبني الss اللي اتهد ..و المنطقة بين الملاعب... المشهد الرابع و انقطعت عن وسط البلد...فترة طويلة..يادوب بجيب الولاد يشوفو فلفله و يستمتعوا-أو أروح أعمل مقابلات في كافيه ريش أو جروبي عدلي و رجعت تاني ١٧ شارع شريف بعد حوالي ٣٠ سنة في المشهد ما قبل الأخير-مرتين في الأسبوع من يناير ٢٠٢٣ في ورشة الغناء بمقر ورشة الغناء المسرحية (حسن الجرتلي) و الأكل في محل الكفته إللي في شارع شريف إللي اكتشفت انه محل (بلاي بوي) – و ان صاحبه صديق ابويامات و ابن اخته هو اللي بيديره...أو بتاكل عند عربية الكبده (محمود)شارع جواد حسني- و بؤكن هناك عند خالد السايس اللي أصبح صديق بيسأل عليا لما اغيب – و يمكن لما اجي يشتريلي خضار و فاكهه و دوار لحضور الفعاليات..و كذلك القنصلية و مسرح روابط و غيرها... و تجددت علاقتي بوسط البلد-و استرجعت ذكرياتي و حواسي كلها و بقيت آجي دار المرايا شارع عبد الخالق ثروت و دار العين في ممر بهلر و فعاليات ثقافيه كتير جدا في الجامعة الأمريكية بعد تحويلها إلي مركز ثقافي اذكر منه عرض في القاعة الشرقية لكتابي و اذكر فيهم غنائي مع فرقة الورشة المسرحية في قاعة ايوارت لأغنية ثقل و بغدده- نجيب الريحاني و عقيله راتب – هبه صفي الدين

ف البداية انا محمد ع المقصود و حابب اشارك الذكرى الوحيدة ليا ف وسط البلد : بالرغم انى مصرى الا اننى لم ازور وسط البلد الا و انا فى سن ال20 ع ما اتذكر فكان القرار بعد ما قابلت صديقى طه شعبان من مدينة اسنا بمحافظة الاقصر . و اللى اتقابلنا ف الشغل بالعاصمة الإدارية ف 2022 و بعدها اكتشفت مدى اهتمام كل واحد فينا بوسط البلد و القهاوى القديمة و المطربين القدامى و من اهم الاغانى المشتركة اللى ممكن نسمعها سوا بدون ملل اغنية منيرة المهدية : سمحت بارسال الدموع محاجرى .. بالإضافة لاغانى ام كلثوم و محمد ع الوهاب و ع المطلب وغيرهم … ف المرة الوحيدة اللى نزلنا فيها وسط البلد احنا قررنا نلفها كلها ع رجلينا و كانت البداية من مسجد سيدنا الحسين .. اللى كان محطة الوصول اللى قابلت فيها صديقى … و بعد ما صلينا الظهر و زورنا الحسين انطلقنا ف حارة اليهود و شوفنا فيها المعبد اليهودى و للاسف كان مغلق . و شوفنا الورش و الحرف اليدوية و اكلنا كبدة ع العربية بعدين خرجنا نلف ف شارع المعز و نشوف المبانى القديمة و ندخل الحارات الضيقة نشم ريحة التاريخ .. بعدها روحنا قهوة الفيشاوى اللى لقينا فيها الشاى ب 30 ج ف قررنا نقف نتفرج ع عازف العود بعدها روحنا ش عبد العزيز اللى قررنا نبات فيه و تانى يوم نكمل اللفة باقى الحكاية تلاقوها على صفحتى فى الفيس بوك ( عبد المقصود بيك )

-الأماكن المهمه ثقافيا و تاريخيا ارى ان اكثر الاماكن اهمية ف وسط البلد : المتحف المصرى بالتحرير اهم العلامات لان مواطنى كل دول العالم بتتجمع فيه. كما تمتلك ذكريات ف وسط البلد فى ش محمد فريد حيث كانت تشترى ف مرحلة ثانوى الكسوة الصيفية مع الاسرة من محلاته . و لا تنسى ايضاء الحذا الجلد الذى كانت تشتريه من محل زلط . و ترى نورهان ان اهم شخصية مشهورة ارتبط اسمها بوسط البلد : الكاتب العظيم نجيب محفوظ . و اهم الانشطة فى وسط البلد و يجتمع فيها الناس هى السينما و كانت متنفس لها و لصديقاتها .. و ترى ان اهم ما يميز وسط البلد : مبانيها و شوارعها و ناسها و تعتبرها من اكثر الاماكن امان بالنسبة لها . و ترى انها لها روح مختلفة عن اى منطقة اخرى ف القاهرة و تشعر انها قطعة تجمع بين الشرق و الغرب .. ولا ترى انها تحتاج للتغيير و تقول : هي حلوة زى ما هي بطعمها المختلف . و لسة بستكشف وسط البلد و اتمنى اعرف فيها اماكن اكتر و اكتر …

في البداية انا من محافظة الدقهلية و لما تزوجت حضرت الى القاهرة … كان أهم خروجه عندى هى وسط البلد … كل شوية نخرج فين ؟ اكيد وسط البلد و الشوبينج ولا انسى محل M M كل خروجة ليا لازم اشترى حاجة منه …. و كنا لما نتعب م المشي فى شوارع وسط البلد و الفرجة ع المحلات نروح ع مطعم جاد و نجيب ساندوتشات و نقعد على أهم القهاوى المصرية الجميلة ….. وترى هند ان اهم مكان تاريخيا في وسط البلد هو المتحف المصرى … وأهم شخصية شهيرة ارتبط اسمها بوسط البلد نجيب محفوظ و تقول ان السينمات و المقاهي تجمع الناس و ترى ان الطابع المصرى اهم ما يميز المنطقة

اكثر الاماكن اهمية المتحف المصرى و سينما راديو و لها ذكريات شخصية ف الجريك كامبس و كان بوابتى لوسط البلد اول شغل و اول تطوع كان هناك و تقول ان اكثر شخصية مشهورة مرتبطة بوسط البلد : الروائي مكاوى سعيد .. و ترى ان اهم الانشطة بها الفعاليات الثقافية بسينما راديو و الجامعة الامريكية و مكتبة ديوان . و سمعت عن الحكايات الشعبية المرتبطة بمقاهى وسط البلد و حديقة عابدين . و ترى ان اهم ما يميز وسط البلد توفر كل شى بها و انها منطقة مركزية .. و تتمنى توفير اماكن لسير الدراجات فى وسط البلد .. و تقول ان مكتبة انسان ف ش ع الخالق ثروت من الاماكن التى تتمنى ان يعرفها الناس اكثر لما تقدمه من فاعليات و خدمات تثقيفية .

١-الأماكن المهمه ثقافيا و تاريخيا في وسط البلد (الجامعة الأمريكية- مكتبة مدبولي- المتحف المصري) ٢- الأماكن التي تملك فيها ذكريات شخصية مهمه (شارع طلعت حرب) ٣-الانشطه التي تجمع الناس في وسط البلد (الندوات الثقافية في المراكز الثقافية) ٥-هل سمعت حكايات شعبية مرتبطه بوسط البلد (ليس كثيرا) ٦-ما الذي يميز وسط البلد عن غيرها الطراز المعماري ٧-لو هتغير حاجه في وسط البلد ما هي و كيف ستغيرها (إنشاء كباري مشاه ) نظرا للازدحام المروري ٨- ما هي الأماكن التي تعرفها في وسط البلد و تري أنها لم تاخذ حقها و تريد أن تعرفها للناس (تمثال عمر مكرم ) لم ياخذ حقه من الإهتمام

1- الأماكن المهمه ثقافيا و تاريخيا (المتحف المصري) ٢- أماكن تملك فيها ذكري شخصية (ميدان التحرير- الثورة) ٣- الشخصيات المشهور في وسط البلد (طلعت حرب) ٤- الأنشطة التي يجتمع فيها الناس في وسط البلد (الأنشطة الثقافية و السياسية) ٥- سمع الكثير من الحكايات الشعبية المرتبطة بوسط البلد ٦- ما يميز وسط البلد عن غيرها (تنوع الأماكن و التصميم المعماري) ٧- لو قدرت تغير حاجه واحده في وسط البلد! ما هي وكيف ستغيرها (تجديد العمارات وتنظيفها) (جعل الشوارع للمشاه فقط )

وسط البلد بالنسبة لي هي المكان اللي اكتشفت فيه نفسي . اول مره نزلت كنت مع والدي علشان زعلانه من مدرستي اللي قالتلي مينفعش ترسمي حاجة قدامك حتى لو بتتقنيها و تطلعيها زيها بالضبط و ساعتها شفت المتحف المصري و اتمنيت أدخله و محققتش الامنيه دي غير بعد ما التحقت بكلية الآثار جامعة القاهرة و في المكان ده عرفت اعز أصدقائي و بقت وسط البلد فسحتي الدائمه و إلي الان بدأت أروح تدريب في متاحف تانيه زي المتحف القومي للحضاره و كنت بركب أتوبيس بيلف وسط البلد و بتفرج على المنطقة الي إن شفت قصر عابدين و بتمني أدخله و مكنتش أعرف إني هشتغل في المكان ده و مش بس كده وظيفتي الأساسية إني أحافظ و اقلد جزء من الفن اللي جواه و بقيت أخصائية ترميم داخل قصر عابدين
١-الأماكن المهمه ثقافيا و تاريخيا (مكتبة مدبولي-المعبد اليهودي) ٢-الأماكن التي تملك فيها ذكريات شخصية مهمه (المتحف المصري ) ٣-الشخصيات المشهورة في وسط البلد (طلعت حرب) ٤- الأنشطة التي تجمع الناس في وسط البلد (دخول السينما) ٥-ما الذي يميز وسط البلد عن غيرها تجمع بين ناس من جنسيات و طبقات مختلفه ٦- لو قدرت تغير حاجه واحده ما هي و كيف ستغيرها أسماء محطات المترو ٧- أماكن لم تأخذ حقها في وسط البلد و تريد أن تعرفها للناس (قصر شامبيون )

１- ذكريات الطفولة كانت مشوار دوري لدكتور العيون الذي كنا ننتظر في عيادت "سنوات " طويله ثم نشتري النظارات الجديدة من "جاما" المحل المقرر لنا في العيلة و في عمارة مجاورة زرت" الخياطة "مثل كل ممثلات السينما الأبيض و الأسود المكان بجوار عمارة شركة الأهرام 2- كانت أمي ولا تزال مغرمة بوسط البلد و دكاكينها التي لا تخلو من أي شئ ورثت هذا الغرام لكن حين شأت الظروف أن أعمل في عمارة حلاوة (الشوربجي) في وسط البلد وقعت في غرامها من أول و جديد ما أجمل الصباح الباكر في شوارع وسط البلد و البنايات تحييك بابتسامة ناديه رأيت فيها اللبان بعجلته الشهيرة و سطل اللبن كأن الزمن يخفي بهجته في ديكورات العمارات العالية عمارة حلاوة لها مدخلان و سطوح مشترك و اقد اجزخانه واحلي فرن عيش و تجاوب المعبد اليهودي في قلب القاهرة ٣-مكتبه لينرت و لاندروك تحتفظ باجمل اللحظات في صور انيقه أبيض و أسود من مطلع القرن هي متحف حي و مزار واجب لكل مجانية القاهرة و عشاق مصر في الدور الثاني في عمارة في شارع ثروت أسرار مرسومه علي زجاج تحكي الحكايه من القاهرة إلي أسوان ٤-النادي اليوناني مقر رسمي لمثقفي وسط البلد لكن بالنسبة للصحفيين في المساء يتحول شارع الجلاء لمكان راقي ذو طابع إيطالي و تفتح بوابة القنصلية الإيطالية أبوابها لمن تشاء و ندخل مطعم إيطالي مبهج و مهم للصحفيين و جار مبني الأهرام العريق ٥-كنت محظوظه جدآ أن اقوم بعمل لقاء صحفية مع مسئول نوبي كبير في جروبي. شربنا الشاي و حكي لي كيف كان جروبي خروجته المفضله و كيف كانت تغوص قديه في السجاد الغيني
١-الأماكن المهمه ثقافيا و تاريخيا في وسط البلد ( جروبي- عمارة حلاوة- النادي اليوناني) ٢-الأماكن التي تملك فيها ذكريات شخصية مهمه (النادي اليوناني- فلفله – مقر فرقة الورشة – مكتبة لينرت و لاندروك ) ٣-الشخصيات المشهورة في وسط البلد و تريد أن تعرفها للناس ( فؤاد حداد – أم كلثوم- زكريا احمد – ليلي مراد ) ٤-الذي يميز وسط البلد عن غيرها أنها تمثل روح مصر ( الكوزموبولتن) ٥- لو قدرت تغير حاجه واحده إيه هي و كيف ستغيرها ارمم جميع المباني و أحولها الي مسارح ٦-الاماكن التي تعرفها في وسط البلد و تريد أن تعرفها للناس .مكتبة لينرت و لاندروك لأنها متحف صور لمصرمن مطلع القرن العشرين

١-الأماكن المهمه ثقافيا و تاريخيا في وسط البلد )الجامعة الأمريكية- قهوة الفيشاوي- سيدنا الحسين ) ٢-الأماكن التي تملك فيها ذكريات شخصية مهمه )جروبي- الامريكين- مطعم جاد – حلواني العبد) ٣-الشخصيات المشهورة في وسط البلد (طلعت حرب )دراسة إنجازاته ٤-الانشطه التي تجمع الناس في وسط البلد الجامعة الأمريكية تقدم أنشطه رائعة ٥-حكايات شعبية مرتبطه بوسط البلد مكان جلوس نجيب محفوظ على شط النيل بالعجوزه ٦- الذي يميز وسط البلد عن غيرها (البيوت القديمه- المقاهي- السينما- محلات الحلوي) ٧-لو قدرت تغير حاجه واحده إيه هي و كيف ستغيرها لا اريد تغيير ملامحها ولا إزالة جمالها ٨-الاماكن التي تعرفها في وسط البلد و تريد أن تعرفها للناس ١-حكايتي مع جروبي في تحديد طريقي الأدبي و العلمي ٢-حكايتي مع تمثال طلعت حرب و إنجازاته ٣-حكايتي مع المتحف المصري ٤- حكايتي مع تمثال محمد فريد و تمثال مصطفي كامل ٥- حكايتي مع الامريكيين في حل احد مشاكلي الشخصية ٦- حكايتي مع سينمات وسط البلد

وسط البلد مكان ملائم للفنانين من كل أنحاء العالم-كمكان يقيم فيه الفنانين لعده شهور سواء للرسم – الكتابه- التأليف بشرط تجهيز مبانيها و إبراز معالمها سواء المعمارية أو الثقافية أو المواقع التي شهدت أحداث تاريخيه هامه كافية على بابا في ميدان التحرير المكان المفضل لنجيب محفوظ في الصباح مكان مفضل للأجانب حيث يقدم فيه جميع أنواع المشروبات مثل البيرة المصرية الشهيرة (ستيلا)
١-الأماكن المهمه ثقافيا و تاريخيا في وسط البلد (شارع عماد الدين- شارع البورصة) ٢-الأماكن التي تملك فيها ذكريات شخصية مهمه )كافيه ريش ) ٣-الشخصيات المشهورة في وسط البلد و تريد أن تعرفها للناس )أمل دنقل) شعراء السبعينات كلهم ٤-الانشطه التي تجمع الناس في وسط البلد ندوات ثقافيه ٥- ما الذي يميز وسط البلد عن غيرها الحيويه- التنوع- الأحداث الهامه ٦- لو قدرت تغير حاجه واحده إيه هي و كيف ستغيرها هشيل المحلات و أحولها لمنطقه ثقافيه عالميه ٧-الاماكن التي تعرفها في وسط البلد و تريد أن تعرفها للناس الشوارع الجانبية و العمارات ومعمارها القديم (للأسف مهمله (

-الأماكن المهمه ثقافيا و تاريخيا (كافيه ريش ) ٢- الأماكن التي تملك فيها ذكريات شخصية (المتحف المصري) (شوارع وسط البلد) ٣- أهم الأنشطة التي تجمع الناس في وسط البلد (المهرجانات الثقافية في Auc ) ٤- ما يميز وسط البلد عن غيرها (تقسيم المباني وتفاصيل البلكونات) ٥-لو قدرت تغير حاجه واحده ما هي و كيف ستغيرها (التكيفات شكلها مش لطيف على العمارات)